ബെംഗളൂരു : നടി സണ്ണി ലിയോണിന്റെ ആരാധകർക്ക് 10 ശതമാനം വിലക്കിഴിവ് പ്രഖ്യാപിച്ച് കർണാടകയിലെ ഒരു ഇറച്ചി വിൽപനക്കാരൻ.
നടിയുടെ ജീവകാരുണ്യ പ്രവർത്തനങ്ങളിൽ നിന്ന് പ്രചോദനം ഉൾക്കൊണ്ടാണ് കിഴിവ് നൽകുന്നതെന്ന് മാണ്ഡ്യ ജില്ലക്കാരനായ ഇറച്ചി വിൽപ്പനക്കാരൻ പ്രസാദ് കെഎൻ പറഞ്ഞു. രണ്ട് വർഷത്തോളമായി ജില്ലയിൽ ഡികെ ചിക്കൻ ഷോപ്പ് നടത്തുകയാണ് പ്രസാദ്.
തന്റെ ബിസിനസ്സ് പ്രോത്സാഹിപ്പിക്കുന്നതിന് ലിയോണിന്റെ പേര് ഉപയോഗിക്കുന്നുണ്ടോ എന്ന ചോദ്യത്തിന്, “ഞാൻ അവരുടെ ആരാധകർക്ക് 10 ശതമാനം കിഴിവ് നൽകുന്നു. അവരുടെ ആരാധകരുടെ എണ്ണം വർധിച്ചാൽ, ജീവകാരുണ്യ പ്രവർത്തനങ്ങൾക്ക് കൂടുതൽ സംഭാവന നൽകാൻ അവർക്ക് കഴിയും എന്ന് പ്രസാദ് പറഞ്ഞു.
“എന്റെ കടയുടെ ഫോട്ടോ വൈറലായതോടെ എനിക്ക് കൂടുതൽ ഉപഭോക്താക്കളെ ലഭിച്ചു,” ഇറച്ചി വിൽപ്പനക്കാരൻ പറഞ്ഞു
അശ്ലീല വ്യവസായവുമായുള്ള മുൻകാല ബന്ധം കാരണം സണ്ണി ലിയോണിനെ പലപ്പോഴും ലൈംഗിക ചിഹ്നമായി കാണാറുണ്ടെന്നും പ്രസാദ് പറഞ്ഞു. എന്റെ പല സുഹൃത്തുക്കളും സണ്ണിയെക്കുറിച്ച് സംസാരിക്കുന്നത് ഞാൻ പലപ്പോഴും കേട്ടിട്ടുണ്ട്. പിന്നീട് ഞാൻ സണ്ണി ലിയോണിന്റെ ജീവിതത്തെക്കുറിച്ച് വായിക്കാൻ തുടങ്ങി, സണ്ണി സമൂഹത്തിന് വേണ്ടി വളരെയധികം കാര്യങ്ങൾ ചെയ്തിട്ടുണ്ട് . ഒരു പെൺകുട്ടിയെ ദത്തെടുക്കുന്നത് മുതൽ സ്‌കൂൾ നടത്താനും കോവിഡ്-19 പാൻഡെമിക് സമയത്ത് സഹായം നീട്ടാനും വരെ. സണ്ണി ശരിക്കും ഒരു മാതൃകയാണ്. അതിനാൽ, സണ്ണിയുടെ ആരാധകർക്ക് 10 ശതമാനം കിഴിവ് നൽകാൻ ഞാൻ തീരുമാനിച്ചു പ്രസാദ് കൂട്ടിച്ചേർത്തു.
എന്നാൽ, ഉപഭോക്താക്കൾക്ക് കിഴിവ് ലഭിക്കുന്നത് എളുപ്പമായിരിക്കില്ല. ഇൻസ്റ്റാഗ്രാമിലും ഫേസ്ബുക്കിലും സണ്ണി ലിയോണിനെ ഫോളോ ചെയ്താൽ മാത്രമേ അവർക്ക് കിഴിവ് ലഭിക്കൂ. സണ്ണി ലിയോൺ അഭിനയിക്കുന്ന ഏതെങ്കിലും സിനിമയുമായി ബന്ധപ്പെട്ട് ഉപഭോക്താക്കൾ ഒരു സോഷ്യൽ മീഡിയ കമന്റും നടത്തിയിരിക്കണം, ”പ്രസാദ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
